पसारा.....

      पसारा शब्द सर्च केल्यावर गुगल आज अप्सरा संबंधी रिझल्ट का दाखवत असेल. गुगलपण सोशल साईट्सच्या आहारी गेलं असावं कदाचित. 

      व्हॉट्सअप-फेसबुककरांना अशीच सवय असते. तुलना आणि उपमा याशिवाय त्यांची एकही पोस्ट लिहून होत नाही. नात्याला झाडाची उपमा देतील, प्रेमाला पावसाची, चेहऱ्याला चंद्राची

   गुगलही त्यांच्याच रंगात रंगले असावे.

   अप्सरा आणि पसारा यात एक साम्य आहेच. अप्सराही हवीहवीशी वाटते पसाऱ्यासारखी आणि तरीही सर्वसामान्य माणसाला तीला आयुष्यभर सांभाळत बसणे अशक्यच, पसाऱ्यासारखेच.

   हव्याहव्याशा वाटणाऱ्या पसाऱ्याला कधीतरी स्वत:पासून दूर लोटावेच लागते, मग तो पसारा जमवलेल्या वस्तूंचा असो वा जपलेल्या दु:खद आठवणींचा.

   अगदी तसंच आपल्या स्वप्नातल्या अप्सरेला दुर सारुन आपल्या आयुष्यातील नवदुर्गांच्या सहवासात रममाण व्हावेच लागते.

   हेच तर आयुष्य आहे.