विळखा

अबला ते सबला" या हॅशटॅगचा ट्रेंड मागे पडला का ?
              खरं सांगायचे तर अबला म्हणजे स्त्री हा दृष्टीकोनच बदलण्याची खरी गरज आहे.
              अबला असणे ही प्रवृत्ती असते, मग तो पुरुषही असू शकतो.
              शक्ती, पैसा,ज्ञान याची कमतरता आणि भिडस्तपणाचा अतिरेक यामुळे व्यक्ती अबला बनते.
              एकत्र कुटूंब पद्धती असताना प्रत्येक कुटूंबात एकजण तरी असा असायचा की तो दिवसभर आख्ख्या कुटूंबाचा सांगकाम्या असल्यासारखा वावरायचा.
              एकत्र कुटूंब पद्धती हळूहळू संपुष्टात आली, घरातील एकजण जो कमी हुशार असेल,लहान असेल,भिडस्त असेल असा एकजणं घरं, इस्टेट आई-वडील यांची काळजी घेत घरी राहू लागला,बाकी सर्वजणं शहरात राजाराणीचे संसार थाटत असताना हा घरी काटकसरीचा संसार जगत राहतो.
              मग वेळ येते मनाने आणि शरीराने दूर असलेल्या यांना भावंडांना जोडणारा एकमेव रेशमीधागा तूटून जाण्याचा तेव्हा त्याला कळते आजपर्यंत आपण माझंमाझं म्हणून जपत होतो ते फक्त मृगजळं होते आणि तहान भागेल एवढे सोडाच हाताची ओंजळ ओली होईल एवढेही आपले नाही.
              एका सबलापणाची अबलपणाकडे,निर्बलपणाकडे अखंड एकाकी वणवण सुरु होते.
              रिकाम्या हातांनी आणि अथांग वाहणाऱ्या डोळ्यांनी.