त्रिवेणी

खेळखंडोबा शब्दांचा..(फुकट मिळाले आहेत म्हणूनच)

त्रिवेणी...
    
१)  स्वप्नांचा पाचोळा
      उडून गेला
      उघड्या पडल्या भेगा
      व्यथांच्या.

      मायेचा ओलावा
      जिरुन गेला
      गेले सुकून कोंब
     आशेचे.

      सहानभूतीचे तण
      इथे माजले अन
     आपुलकी मनीची
     झाकोळून गेली.

२)  देवाच्या पखाली
      झाल्या रित्या पहा
      तहान माणसांची
      अपूर्णच.

      किती झाला इथे
      माणसांचा भार
      पाण्याचा आकार
      कमी झाला.

     देवाचे ते हात
     तोडले आपण
     सावरील कोण
     पाणी आता.

३) शुष्क झाले सारे
     जिवन इथले
     सुर्याचाही काही
     इलाज नाही.

     माणसा सावर
     स्वत:ला तू आता
     हो तूच ईश्वर
     धरित्रीचा.

     तुझ्याविना कोण
     सावरणार आता
     तुच मातापिता
     सजिवांचा.