ऋतू चक्र

वाऱ्यावर विहरत आले

कोकीळेचे नाजूक सूर

वसंताच्या स्वागताला

चैत्र वैशाख आतूर.

जेष्ठ आषाढ शोधती

ग्रीष्माच्या पाऊलखुणा 

तापल्या भूमीला लागे

वर्षाच्या ऋतूच्या वेणा.

श्रावण भाद्रपद येती

गाणे भक्तीचे गात

श्रावण जागवत येतो

शरदाचे चांदणे मनात.

शरदाच्या स्वच्छ ऊन्हाला

आजीच्या गोधडीचे मन

पानगळीच्या आधी साठवतो

निसर्ग बीजापोटी धन.

उदासवाणा शिशीर करी

पानाफुलांचा संहार

पानगळ म्हणावी ही

की वृक्ष उतरती श्रृंगार.

-----अभय बापट.