मदर्स डे

"आज मदर्स डे आहे, मातृदिन तर पिठोरीलाच". असे कोणीही लिहीलेले दिसले नाही.

          आभाळ कोणत्याही कॅलेंडरचे किंवा पंचांगाचे,    दिवस-रात्रीचे  मोहताज नसते, ते कायम तुमच्या सोबतच असते, आईच्या मायेसारखेच.  अगदी तुम्ही तुम्हाला तुमच्या कोशात गुरफटून घेतले असल, तुम्हाला दिसत नसले तरीही.

           आभाळ कवेत घेता येत नाही म्हणतात तसेची आईची माया ही, ना ती शब्दात मांडता येत, ना एका रुपात दाखवता येत.

             जन्म देणाऱ्या आई व्यतिरिक्त असंख्य माय तुमच्यावर माया करत असतात, लळा लावत असतात, तुमचे हित चिंतत असते.

               "आभाळागत माया तुझी आम्हावरी राहू दे", अशी प्रार्थना करुन त्या अफाट आभाळात एकरुप होण्याचा प्रयत्न करायचा, कोणावरतरी तीच माया,प्रेम आपल्या छोट्याशा मुठीत उधळून टाकण्यासाठी .