दुर्बोधता

कोशांमधले शब्द निराले

आयुष्याला घाली कोडे,

तुमच्यामाझ्या आयुष्याला

पुरते एकच शब्दकोडे.

नकोत मजला शब्द हजारो

नकोत त्यांचे अर्थ नवे,

तुमच्यामाझ्या कवितेसाठी

सहजसोपे शब्द हवे.

पाऊस असा कोसळतो

दुर्गम होते जीणे

शब्दांचेही माजता रान

दुर्बोध होते चालणे.

चांदणे तुझ्या स्मरणाचे

जीवाला घाली कोडे,

अर्थ कसे शोधावे

त्या खोल डोहामध्ये थोडे.

संध्यासमयीच्या शब्दांना

कातरतेचे लेणे,

चांदणे कसे आणावे

चंद्रमाधवीच्या खोऱ्यामधले.

प्रदेश साकल्याचा

मी आकळण्यात गुंतलो

शब्दांच्या खोल डोही

मी माणीक होवून पडलो.

२६/०३/२०२२