वेगळी

ती स्वप्न वेगळी होती

त्या रात्री वेगळ्या होत्या,

तुझ्या माझ्या गप्पांच्या

मैफिली वेगळ्या होत्या.

ते गीत वेगळे होते

ते सूर वेगळे होते,

तुझ्या माझ्या मौनातले

हुंकार वेगळे होते.

तो स्पर्श वेगळा होता

तो भाव वेगळा होता,

तुझ्या माझ्या मनातला

ओल वेगळा होता.

ती भेट वेगळी होती

ती ओढ वेगळी होती

तुझ्या माझ्या आयुष्यातील

ती सोबत वेगळी होती.

ती हाक वेगळी होती

ती नाराजी वेगळी होती

तुझ्या माझ्या अंतरातील

ती अपूर्णता वेगळी होती.

२८/०१/२०२२